Ang bawat tao ay may kinabibilangang kultura
na syang pangkabuuang pananaw ng mga tao sa isang lipunan sa mundo at sa kanilang kapaligiran
ito ay hango sa mga paniniwala, tradisyon, uri ng pamumuhay, at iba pang mga bagay. Tama ba? ;)

Naalala ko tuloy yong mga kwento ng lola ko, ang engkanto raw di mo yan sila makikita, kaya ang sasabihin mo tabi tabi apo. ;) Sakaling makita mo raw ang isang engkanto ibig sabihin may nunal ang iyong mata. *[superstitious belief can be found in every culture, pero di ako naniniwala sa ganyan dahil isa lang ang master ko].*

Isang araw nasa trabaho ako at ilang minuto nalang uuwi na rin para mananghalian. Si bosing ko naman bago yon umuwi sa kanila mag Allah wa Aqbar *[Islam prayer]* muna. Minsan sa Mosque at minsan naman sa loob ng opisina nya. Napapansin ko bago magdasal si bosing pumapasok sa kubeta at nag huhugas. Yon ang palagi kong naririnig ang malakas na daloy ng tubig sa gripo.

Sa oras na yon, pagkatapos naghugas ni bosing, lumapit na medyo distansya at tinawag ako sabay tanong kong natapos ko na yong pinag gawa nya sa akin, ako naman na medyo nagmamadali at gustong tapusin ang trabaho. Tsaka gutom na rin yong mga alaga ko sa tiyan, eh mag tatanghali na, kaya reaksyon ko hindi na lumingon bali yong paningin ko derecho sa dinding na may salamin na eksaktong makita ko sya at makikita rin nya ako pag dun din ang tingin nya.

Aba! pag tingin ko sa dinding na may salamin, palagay ko basa pa yata yong mukha nya kasi kagagaling nga lang sa kubeta, nakita ko biglang tinaas yong damit nya na pang sakristan tawag pala nun ay *kandura* ang ginawa sabay punas sa mukha. Walang malay nakita ko sya. Ngunit alam nyo, laking pagka mangha ko, natulala, di tuloy natapos ang trabaho ko. Kayo kaya dun sa eksenang yon di ba kayo atakihin sa nerbiyos… kayo kaya ang maka kita ng isang engkanto. Si bosing walang suot na panloob? *[underwear],* huh! walang proteksyon yong engkanto nya? nakakatakot pala! josmio, malulugi pala ang Hanes underwear dito? pag nag lalakad sila’y…, kong ganun kumakaway? ah! basta andaming katanungan sa isipan ko.

Pagdating ng bahay, sa wakas naibuhos ko talaga ang napaka lakas na tawa, nagulat tuloy yong ka room mate ko e syempre inusyoso ako sa bruha kaya’t yon dalawa kaming tumatawa. Hindi naman yata kasalanan ang tumawa sa panahong yon buti naman at di kami kinabag, hehe.. aba! tinakot pa ako dahil pag ganun daw sa nakita ko, tutubuan ng pigsa ang mata ko. Kaya kelangan ko raw ang pansangga bubunot ng isang pilik hehe..pero kahit pimple walang tumubo sa mata ko noh.! sinungaling pala yong kaibigan ko hehe…

Sa di sinasadyang pag tingin napag alaman ko ang ilan sa kultura ng mga arabo. ;) At totoo pala isang makasalanan ang iyong mga mata, mula nun ayoko ng tumingin sa dinding na may salamin. Pag ako’y tinawag lingon agad! Tsaka walang nunal mata ko ha! hehe..

Happy weekend sa inyong lahat!!!