Grabeh jud! sige nalang ko ani pasahan ug assignment, bulgar na jud kaayo ning akong mga sekreto da. Na pasensya sa mga higala kong tagalog kay gisapot ko kamo kahay permi pahimuon ug assignment di ba mo sapoton hehe..niabot akong gana nga mag binisaya oy, bitaw dire ra baya ko kaestorya ug bisdak kay bisag akong doggy Luxembourgoise ug sabot. :)
Diay una sa tanan matud pa; *A good friend is like a bra, very supportive and close to the heart!* Oh, diba tiunod, lagi kay amiga man ta Laureen Jean musoporta ko aning imong ipabuhat nako, pastilan wa ko magdahom aning mga pangutanaha..*unsa kunoy sulod sa imong bag!* halaka baya..na sige padayon ta.

Mao kining sulod sa akong bag:

1. Una wallet o pitaka, di jud na malimtan kay kong ako nang limtan sama ra nga nilakaw ko nga wa nag bra. Unya unsay sulod sa wallet walay cash oy, di na uso dire kay bisag mopalit lang kag balor 5 euro hatagi lang gud nag card mao nay pambayad. Unya unsa pa sa akong wallet mga pictures diay unya naa pa jud koy school ID nakatago sa akong wallet mao ra jud ni nga ID nako ang nabilin kay ambot kapila pod ko kuote sa mangunguot ‘tong college pa ko sus tawon ang akong pang tutition fees, pati akong mga id’s dala pod grabeh sad, mayo nalang kay wa ko nila baranga noh, aw di man pod nuon ko motoo ana.
2. Mga candies di mawad-an akong bag ug usap usapon labi nang chewing gum present na permi, unya isulod ra pod nako ang panit sa bag na kada weekend ko pod limpyohan kay mahimong basurahan daghan panit sa candies, unya kong naa koy paliton ang mga resibo sa bag ko man sad ipaslok, pastilan kalandrakas jud ang mga sulod sa akong bag.
3. Angel perfume, naa ni sa bag nga pang lakwatsahay magamit ko ra ni nga perfume kong molaag ko sa mall painit lang gud ug makigkita sa mga friends. Unya kaila mo aning baby flo cologne gisulod ko ni sa akong bag nga pang skwelahay, kong musolod ko sa klase akong humot baby flo, unya naghunahuna mo kong diin gikan op kors sa pinas intawon di ko kapalit dire sa Luxembourg ug sama ani, bitaw tinuod.
4. Cellphone, regalo ni vana adtong birthday nako last 2004, unya iya pa jud ni selosan kay ang screen saver kuno nga akong gibutang si churchill, ada ga palingolingog ra ko oy, giignan nako iutot ra kanang imong gibati diha tawa lang sad siya.
5. Payong, naa ni sa akong bag pag winter time kay muolan man usahay pero kong summer wala ni sa akong bag kay never ko mag payong dire sa europe mura lagi kog agta pag ting init dire, paborito man sad na nila dire nga color. Akong gipangutana si vana ba, nganong ganahan kaayo sila ug tanned ingon niya dire sa europe pag tanned ka, means kwartahan kay bisag asa man adto nga lugar vacation ba, unya kong puti o pinkish kaayo ka, pobre daw na kay naa ra sa balay walay adto adto sa laing lugar, hehehe baligtad sa pinas kay sa atoa pag agta imong color pobre kaayo ka, unya ang puti sa atoa kay datu man. Pastilan! datuon diay ning akong panit dire sa europe, yati ra!
6. Address book, naa ko ani kay hilig man ko tig tigum sa mga address sa akong mga miga, ga dugang lang ni sa bug-at sa akong bag.
7. Naa jud ni permi sa akong bag ang panty shield, kay kong kaihion diay naa koy ikailis, di ko musol-ob ug bahag nga way hapin oy sukad pa ko dalaga hangtud karon, naanad na.
8. Kuan pod band-aid naa sa akong bag kay kong mag pataas taas kog sapatos grabeng lotoh sa akong kiting, kataw-an lagi ko ni vana matud niya ang beautiness mag suffer jud, para di ko mag antos hala pulotan gud, makatabang baya pod.
9. Mga yabe ni san pedro importante jud na kaayo.
10. Lipstick naa juy bisag usa nalang sa akong bag bahalag kaisa ra ko kapanudlay inig gawas ra gikan sa balay basta kapang lipstick, unya wala poy pulbos kay di man ko mamulbos wa ko maanad anang mamulbos.
12. mga borloloy or abobot ba mao man siguro na, ang uban naa sa akong bag kay makalimot man kog balik sa butanganan laktud nga pagka istorya tapulan, kay kong mogawas ko o moeskwela naa jud nay borloloy nga akong isuot, unya inig hubo ana ipaslak ko ra pod sa akong bag dili katuod sa butanganan maong inig hinlo nako sa akong bag kay daghan lagi panit sa dulce ayha ko pa mauli sa butanganan.
13. Pang hiso sa kamot o hand lotion naa pod ni sa akong bag, labi na kay winter karon na murag magliki pod akong mga kulamoy sa ka uga.
14. Books, notebooks, pencils, ballpens, eraser, marker pen, naa ni sa akong bag nga pang eskwelahay, sus gabug-at lang jud ni oy.

Da lagi human nako kamo na sad oy,
karon kabalos ko ipasa ko pod ni ngadto kang manang Ghie magbagotbot lagi una pero buhaton baya pod niya murag si madame carlota ba labihan kaabtik, unya dia pa jud ning isa nako ka miga nga si Lutchi abtikon pod ni siya gamay bisag busy permi pamadlong anang iyang duha ka bogoys. Hala kamo na pod ang di mo buhat sa assignments mogawas nga mag bag pero walay bra lol’s.

Mga pangutana: unsay timailhan sa pobre dire sa europe? ang makatubag timaan nga gibasa ning earth to pluto nga post nako. Pastilan kakapoy ra ba mobasa.